2015 Rhif 1710 (Cy. 225) (C. 103)

TAI, CYMRU

LANDLORD A THENANT, cymru

Rheoliadau Deddf Busnesau Bach, Menter a Chyflogaeth 2015 (Cychwyn) (Cymru) 2015

NODYN ESBONIADOL

(Nid yw’r nodyn hwn yn rhan o’r Rheoliadau)

Mae’r Rheoliadau hyn yn dwyn i rym o ran Cymru, ar 1 Hydref 2015, adrannau 35 a 36 o Ddeddf Busnesau Bach, Menter a Chyflogaeth 2015 (“y Ddeddf”). Mae’r adrannau hynny yn Rhan 2 (diwygio rheoleiddio) o’r Ddeddf yn diwygio Rhan 2 o Ddeddf Landlord a Thenant 1954.

Drwy eu cychwyn, mae’r darpariaethau yn eithrio busnesau cartref rhag y diogelwch deiliadaeth a roddir i denantiaid mangreoedd sydd wedi eu meddiannu at ddibenion busnes. Bydd hyn yn ei gwneud yn haws i denantiaid gael caniatâd i ddefnyddio mangreoedd at ddibenion busnes mewn cytundeb tenantiaeth, ac i landlordiaid adfer meddiant o’r mangreoedd pan ddaw tenantiaeth o’r fath i ben. 

 

 

 

 

 

 

 

 

 

 

 

 

 

2015 Rhif 1710 (Cy. 225) (C. 103)

TAI, CYMRU

LANDLORD A THENANT, cymru

Rheoliadau Deddf Busnesau Bach, Menter a Chyflogaeth 2015 (Cychwyn) (Cymru) 2015

Gwnaed                                  21 Medi 2015

Mae Gweinidogion Cymru, drwy arfer y pwerau a roddwyd iddynt gan adran 164(5) o Ddeddf Busnesau Bach, Menter a Chyflogaeth 2015([1]), yn gwneud y Rheoliadau a ganlyn.

Enwi, cymhwyso a dehongli

1.—(1) Enw’r Rheoliadau hyn yw Rheoliadau Deddf Busnesau Bach, Menter a Chyflogaeth 2015 (Cychwyn) (Cymru) 2015.

(2) Mae’r Rheoliadau hyn yn gymwys o ran Cymru.

(3) Yn y Rheoliadau hyn, ystyr “y Ddeddf” (“the Act”) yw Deddf Busnesau Bach, Menter a Chyflogaeth 2015.

Y diwrnod penodedig

2. 1 Hydref 2015 yw’r diwrnod penodedig ar gyfer dwyn y darpariaethau a ganlyn o’r Ddeddf i rym—

(a)     adran 35 (eithrio busnesau cartref rhag Rhan 2 o Ddeddf Landlord a Thenant 1954); a

(b)     adran 36 (adran 35: darpariaeth atodol a chanlyniadol).

 

 

 

 

 

 

 

Lesley Griffiths

Y Gweinidog Cymunedau a Threchu Tlodi, un o Weinidogion Cymru

21 Medi 2015